حبيبتى...لكن!!

لا تحدثونى عن العروض والبحر والأوزان.. فأنا لا أستطيع أن أكتب الشعر وأنا أفكر فى هذه الأمور,لا أستطيع برمجة اٍحساسى ليتماشى مع كل ذلك,فأجدنى أتمرد عليه,وأكره أن أتعلم هذه الأشياء.وقد توقفت عن كتابة الشعر بغير اٍرادتى على أية حال..هى فقط مشاعر بحت بها من سنين..وأردت أن أودعها هنا..بين حنايا كلماتى الأخرى.. لأنها... مِنىّ.

نفسى أكون الأيد اللى تشفى جروحك قبل ماتمسك

وأكون لك ضحكة فرحانة تتولد جواكى وف حسك

تمحى ألمك ودموعك ..

ولو نكرتيها.. برضه تتمسك..

نفسى أكون لك غنوة تبكيها

أغنيها أنا وقلبك

هخاف على دمعك الغالى..

ولا عمرعذابه يحلالى..

مش هقول ده حس بيا..

وبعذابى وقسى ظلمك..

ولا أقول أسيبه ف انينه..

ولاأساوى ايه عندك..

لو دواه جرحى من تانى ؟؟

هداوى بجرحى أنا جرحك

لو قلبك برضه ينسانى..

ويرمينى فى نيران هجرك

ويعود يقول الأنا..

وينسى تانى مين أنا..

ويكدّب الحلم اللى عشت أناديه..

وحكاياتى المرسومة جوا عنيه..

هرجع برضه من تانى..

صحيح من جوا أحزانى..

ودمعى مدارى ف قلبى..

مملكش ليه دوا..

ولا ليكى غير انى احبك.

لكن خلاص ماعاد يفيد,

لا الكلام ولا الهيام..

حلم القلب من زمان..

واهو فاق من الأحلام...

لو حبك جوا قلبى يزيد..

وقربك يبقى فجر وعيد..

لو رجعت من تانى

أشفى الجروح بالأيد..

فى حاجة جوا نقصانى

مش هترجع من جديد

مش قسوة منى لكن..

ايه راح يفيد؟؟؟

انى احبك كل لحظة من جديد

وأغزلك من عشقى

وشوقى كون سعيد

وانتى كل لحظة

تنكرينى من جديد..

تقتلينى من جديد..

ايه راح يفيد؟؟!

moony...

الأحد17-2-2002

2,15ص

تاااااج على راسى...

التاج ده من دندنة المدونين.. اول مرة تحصلى .. يلا خير .. يامهّوون يارب..

لو قالولك اختار عصر من عصور مصرعلشان تعيش فيه تختار اى عصر و فى عهد اى حاكم .. واشمعنى؟

اممممممممم.. بصوا انا كان نفسى اعيش فى عهد عمر بن الخطاب عارفة ان الموضوع كده ملوش دعوة بمصر .. بس

كان نفسى اشوف الحاكم اللى مكانش حد فى عهده جعان ولا عنده مظلمه

امممم بالنسبة لمصر بقى .. على رأى صلاح السعدنى فى مسرحية"باللو"كان نفسى أعيش فى مصر ايام ما مصر كانت

بجد والمصريين كانوا بجد .. ايام مالناس كانت بجد..ايام ما كانت الناس كلها بتطلع فى المظاهرات ,الرجاله الكبار قبل

الشباب المتحمس,مش زى دلوقتى كتير من المظاهرات بيطلع فيها اطفال المدارس اللى فاكرينها لعبة ومسرحية

وعايزين يعيشوا الدور.. وبيكتبوا منشورات فيها اكلشيهات هما مش فاهمين معناها اصلا.كان نفسى اعيش فى مصر

ايام ما كان الناس عندها قضية متجمعين حواليها وبيدافعوا عنها بجد..ايام ماكان فيه شارع.. وصحبة ولمة ..ايام ماكانت

الناس عندها وقت تهتم بغيرها بجد ,ويقعدوا ويتكلموا..على فكرة انا معشتش الجو ده قوى حتى زمان .. والكلام عنه

بيخلى عينى تدمع.

اول اولويه فى حياتك عيلتك ولا شغلك ولا اصحابك؟

هه؟؟احممم... بصوا العيلة مهما حصل بتشكل حاجة كبيرة قوى فى حياتنا..وليها اول تأثير علينا .. انما معروف عنى

ان اصحابى او "الصداقة" عندى لها مكانهة خاصة جدااااااااا

اكتر حاجه بتحبها فى رمضان؟

هه؟ مين اللى قال القطايف؟؟ لالالا ياجماعة فاهمنى غلط اكيد فى حاجة اهم من كده .. الخشااااااف.

بصراحة "التروايح "والاعتكاف .. تلك الجلسة الربانية والروحانية مع الله .. الفضفضة والبوح انت ونفسك والله .. يااااااااه.. واستمارة باسمك مفتوحة تضع فيها ماتشاء من رغبات الدنيا والآخرة .. لا شئ اثمن.

اوصف ليا اجمل فطار ممكن تفطره ؟

اليكم طبق اليوم.. ايه ياجماعة .. طب حضرتم ورقة وقلم عشان المقادير.. مين اللى عمل التاج ده؟؟!

اممم اول حاجة الخشاف طبعا .. اممم وممكن بانيه مع مكرونة بشاميل.. ايه ده مش مصدقة انى بكتب الكلام ده فى

البلوج بتاعى..الله يسامح اللى كان السبب

انت حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟

مين اللى عمل التاج ده ياجماعه؟؟ّّّّ!!يلا ربنا يفك سجنه بقى..هههههه. بصراحة انا عمرى ماهقبل اكون حاكم,لأنها فتنة

كبيرة والواحد مش ناقص.اعمل ايه عشان اتأكد انى عادلة ..هشوف احوال الناس .. وهستشير المنصفين واولى

الأمر. ولازم طبعا ارجع للقرآن والسنة والخلفاء الراشدين اشوف كانوا بيعملوا ايه وانا فين منهم

اللى بيبوظ الحكام .. نفسهم؟ ولا الشعب؟ ولا الحاشيه المقربه؟

على فكرة اللى حاطط السؤال ده نيتة مش كويسة..ههههههه .كلهم بس الاكتر1-انفسهم "أعدى أعداء الاٍنسان نفسه

التى بين جنبيه".

2- الحاشية المقربة

مين أكتر اعلامي مصري بتحترمه؟

حمدى قنديل .. باٍستماته.

قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه؟

أخييييييييرا عرفت مين اللى عمل التاج.. عمر مصطفى أكيد.لا بصراحة مقريتوش . ان شاء الله هدور عليه. اشمعنى

بقى؟؟هه؟؟ هه؟

لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟

.

يارييييييت.. ارفعوا ايدكوا معايا ..ياااااااارب..مترجمة .. كاتبة مقال مثلا ..أدرس الأدب الانجليزى يارييييت.. اى حاجة تبع الفن, ممثلة أحيانا"احيانا لأ"حاجة تتعلق بالدعم النفسى وسماع

مشاكل الناس ,بعد ماخلص كلام عن مشاكلى واخلص كورس العلاج عند د/يحي الرخاوى طبعا ههههههههههههههههههه

ايه تانى بلد تتمنى تعيش فيها بعد مصر؟

لا خالص .انا كائن ضد الغربة.. بحب مصر وبموووت فيها .معنديش استعداد اسيبها خاااااااااااااالص..بحب كل تفاصيلها وملامح ناسها

بحب ابن البلد والجدعنة و..على فكرة واضح ان عمر مصطفى مشربش من نيلها ولا جرب يغنيلها .. ليه كده؟؟

اوصف ليا ترتيبات اجمل فرح ؟؟

اصحاب قاعدين يرتبوا يعملوا مفاجآت مميزة للعروسين....ورد وشموع على شكل قلوب على البست..عريس وعروسة

حاسين انهم لقوا بعض ومدركين ان اليوم تتويج لحبهم مش حفل تكريم فريق الكرة الخماسية.اهل فرحانين بولادهم .. وواخدين الموضوع ببساطة مش حفل عسكرى.كللللللللللل الأهل والأصحاب والأحباب موجودين ,متجمعين وفرحانين

الفرح يبدأ بأغنية خاصة بالعروسين "اغنية بتاعتهم هما"ويكونوا برضه مدركين ده .بلاش اتكلم عن نهاية الفرح

عشان دى بتبقى نكد وكلها عياط من غالبية الأفراد

بتراعي كلام الناس والقيل والقال؟ لو اه اولا قوللي ليه؟

بصراحة آه.. بصوا ساعات فى المواقف اللى ببقى عارفة ان الناس كلها هتبص عليا وهيكوّنوا فكرة ما عنى ,بطنش جداااااااااااا

ولا بيهمنى.. بس على الناحية التانية كراهية الناس او كلامهم السيئ عنى بيأثر فيا بعبط.. وبيأذينى قووى

صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟

مفيش موبايل؟؟امال هرن على صاحبتى ازاى عشان تنزل؟؟ومفيش كمبيوتر؟؟ امال هكتبلكم ازاى ابداعاتى؟؟ مفيش كاميرا ديجيتال؟؟امال هناكل ايه طيب؟؟لالالا الوضع كده صعب قوى.بس مدام فيها احصنة وحمام انا موافقة

المهم يبقى فيه صحبة وناس قريبة منك تفهمك وتحس بيك وتبقى معاك وقت ماتحتاج

السعاده هى؟

مبحبش الأسئلة اللى من النوع ده ومبحبش نفسى وانا بحاول اجاوب عليها..يمكن رضا ربنا سبحانة وتعالى.. ارتياح

واطمئنان.. طفل يحبك انت بالذات ويتعلق بيك وترتبط ضحكته بوجودك.. مش حاجة محددة تبقى هى السعادة بس ..اممم

ممكن تبقى اول اجابة.

عندك أمل ؟؟ أسبابك ؟

على راى عم متولى "حسبى الله ونعم الوكيل .. الأمل فى الله بس.

لما تحب تهرب من كل شئ بتروح فين؟

بنام للأسف.وغالبا لما بعوز اهرب منهم مبعرفش. بيجوا ورايا..اهئ اهئ

امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟

من فترة قريبة..حسيت انى كبرت قوى..مريت بمواقف كتييير , وشفت ناس كتير اتألمت وانجرحت .. اهتميت وطنشت .. حلمت ويأست جربت وفشلت .. تهت او بعدت .. مشيت فى سكك كتير .. مريت بتجارب وخبرات كتيير..

لما بتعمل عمل خيرى بيكون ايه هو دافعك الاول؟

المفروض بقى انى اقول اسعد الناس وارضى ربنا والجملة التقليدية المعادة"ارسم بسمة على وش الناس "والكلام ده؟

يعنى عشان تقولوا انى ملاك وكده يعنى؟؟النية هى الشئ الوحيد الذى لا يطلع عليه احد الا الله , لا ملك يكتبه ولا شيطان يفسده.

بتشرب سجاير؟ لو الاجابه اه ايه شعورك لو شفت ست بتشرب سجاير؟ وليه ؟

لا الحمد لله . انا ليا فى المخدرات بس.. ميييييييين اللى عمل التاج ده؟؟بتقرف وبشمئز .ليه ايه سيادتك؟؟يعنى لو مش عشان ان السجاير حرام

ولا عشان انها مؤذية ليا اكتر مما تكون مؤذية ليهم .. يبقى عشان هى مش جدعنة ولا برستيج ان الست تشرب سجاير ..ده ضد الكود النسائى تماما.

تعرف ايدك اليمين من الشمال ازاي؟

على فكرة دى كانت مشكلة عندى بجد .. ولا زالت بس احسن من الاول شوية ..بعرف ازاى؟؟ لا ده سر شويبس

ايه اكتر آله موسيقية بتحبها؟

رغم انى الحمد لله معدتش بسمع موسيقى.. لكن الآلات دى لها وقع خاص جدااا عليا "العود والقانون-------بيصحوا الأصالة جوايا

البيانو بيداعب قلبى........والاكسليفون بقى .. رقة الطفولة..

فى رأيك ليه الذوق والنخوة اتعدموا..؟؟

قول انت بقىىىى!!!!!اعتقد بسبب طغيان الحياة المادية والعملية وانحسار موجة الود والعلاقات الانسانية ,اللى مبقتش فى حسبان الناس..وبحيي دندنة جدااا على ردها على السؤال ده.

ايه الحاجة اللى لو حصلتلك تبقى سعيد قوى؟؟

ان ربنا يبقى راضى عليا والرسول كمان"صلى الله عليه وسلم"ان والدتى ووالدى يبقوا راضيين عنى..انى اقابله...

انى مخسرش اصحابى .. والاقى نفسى وانجح

تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟

أجنس عربيات

البحر ولا النيل؟

البحر طبعا

مركب ولا طيارة؟

مركب طبعا.. احنا مش قولنا بحر..!

مجنون ولا عاقل؟؟

اللى هومين؟؟ههههه كده شوية وكده شوية

تقرا كتاب ولا تتفرج على فيلم؟

أتفرج على فيلم .. بس القراية دى موضوع تانى برضه

******************************************

يااااه كل ده تاج!! شكرا يادندون وكل تاج وانتى طيبة...

وقولتلك انا مش موونى لأ بالانجليزى و دبل اوو..كده

هههههههههههMoony

حاجات منى.....

رمضان بنكهة الاٍحتياج

جئت بحمولى كاملة..عازمة كل العزم أن القى بها عند بابك ,حيث لا يوجد ملاذ آخر بالنسبة لى .جعبتى ملئ عن آخرها ..آآآآآآآه

رمضان هذا العام له معى نكهة الاحتياج..أحتاج أن أشحذ منه نفس عميق.. هدنة أستريح فيها من .... مما حدث ..من "كم كان

قاسيا..ثقيلا وصادما" ..ولأبعد مدى.أحتاج أن أقف مع نفسى .. أتأملها ..أراجعها ..ألومها.. يااااااه وقت طويل مضى لم ألُم نفسى فيه على

شئ.

أحتاج لأن أسترجع تلك الروحانيات التى امتزجت بى فى وقت من الأوقات.. تلك العلاقة الخاصة جدا التى فقدت حتى خيوط التوصل اليها ..ذلك القرب, الشفافية ,النقاء..معانى لا تساويها كنوز,دهستها ذنوبى وغفلتى ,وتحجرت دموعى وغاب تأنيب ضميرى فأصبحت

شيئا آخر ,, يتحرك بلا وعى .. صاخب منصاع لصوت النفس المتاهفت على التوافه ,بعيد ,شريد ,, مغيب وتعيس بكل المعانى

حينها تحولت الى كيان يهذى دون أن يبلغ اى شئ .

اٍن العلاقة مع الله شئ غاية فى الاختلاف .. شئ يُصلح لك كل شئ .. ولكن الدنيا هى التى تُفسد عليك تلك العلاقة فيَِِِفسد كل شئ..أصبحت جسد بارد صلد لا قيمة له ,لا يؤثر فيه الضرب ولا يشعر حتى بوخزه..

آآآه ألهذه الدرجة بعدت؟وأذنبت وغفلت؟؟أاصبحت حقا بهذا السوء؟؟

أريد أن ابتعد عن الرياء .. عن الصخب والأقنعة ..دعووونى, أريد أن ابتعد عن الأختلاط بكم كثيرا ومعاشرتكم كثيرا.. أريد أن أحتفظ بدهشتى اٍزاء تصرفاتكم .. أن أُبقى تحفظى على كلماتكم وطريقتكم .. لا أريد أن أعتاد ذلك ومن ثم أصبح مثلكم..أريد أن أبقى كما أنا فى فيما يتعلق بذلك..

أريد ان Hبتعد عن الأعين المترصدة واستجابتى لها أو انشغالى أنا الأخرى بها ..

أريد أن أبتعد عن الكلام الكثير, عن..وعن..وعن..عنى بصورتى الحالية

..
أريد أن أبسط سجادة الصلاة "ذلك البساط السحرى الذى ينقلنى للسماء السابعة"..أن أغلق الباب على بعض الشئ..شئ من الاضاءة الخافتة.. مصحف ..وكفى..

حينها . سأحاول أن أناجيه..سأرجوه أن يفتح لى الباب مجددا ..نعم بعد كل ماحدث ,وكل ما فعلت ,لن يفلح شئ آخر .. أقسم بذلك .. لا سبيل لى ٍالا ذلك..سأحاول ملئ كيانى أن أنادى دموعى المتحجرة الثقيييلة.. سأناديها كأم تعبت من تهذيب طفلها االمشاغب

سأحاول رغم نبرتى التعبة التى لا تخلو من غضب وسخط أن أكون هادئة ورحيمة بها حتى تلبى النداء..سأنادى على نفسى نداء من تعب وأقر بالفشل فى التهذيب.

سأدعو الله بصدق أن يطلق أسر دموعى , فأنا أحتاجها جدااااا.بعد كل ما قلت .. بعد كل ماسمعت ..بعد كل مامررت به من مشاعر و أفكار ,أحتاج للتوقف .. أحتاج للسكون .. أحتاج لأن أكف عن اٍصدار الأفعال.. ياربى أنت تعلمنى وتعلم مابى

تعلم والله صدق طرقى على بابك وصدق مجيئ وخضوعى اٍليك ..تعلم كم أحتاج لذلك ومدى لجوئى اٍليك .. ليس لى اٍلا أنت

يامن تستحى -سبحانك- أن ترد يدى عبد رُفعت لتدعوك .. والله ياربى ظنى بك أنك أرحم بى وبعبادك من ذلك.

أحتاج لأن أختلى بنفسى وأنعم بالسكينة والأمان بعيدا عن همزات اٍبليس اللعين,أفكاره الجحيمية والمخاوف التى لايلبث

أن يبثها فى نفسى,أحتاج أن أستمتع بنفسى وحيدة مع "الله",دونه,ان أتنفس نفسى مجددا نقية بعض الشئ بعيدا عنه..

ياربى ومليكى افتح لى الباب ولا تتركنى وحدى ..

غريبة...

فى المرة القادمة ..لا تدعينى وحدى "غريبة "وسط من كانوا أصدقائى المقربين

..

فى المرة القادمة لا تدعينى وحدى أعيش مثل تلك الأحاسيس الثقيلة والسخيفة

..

لا تدعي قلبى يبكى وحده دون صوت ..وعيونى جافة راثية ,وفمى يبتسم بلا معنى.. حينما لايعنيكى العناق القوى ولا النظرة الحميمة

ولا القرب.. ولا دموع الفراق النسبى..يكفى مرتين..

يكفى مرتين..

"ليلى وأخواتها"تجربة شعرية "مختلفة" بكل ما تحويه الكلمة..شئ ما بخصوص الكلمات جذبنى لأتمعن فيها .. صورها جدييييدة تماما..هى تجربة تصر على تميزها وٍاختلافها..ٍانها تجربة ل.."محمد مصطفى"...
فى انتظار الجديد..

فرح و...لؤلؤة محارتها قلبى, اسمها ..الصداقة

النهاردة كان فرح صاحبتى .....هسميها "هند "

وده اسم الشخصية اللى كانت بتأديها فى مسرح المدرسة ;المكان اللى اتعرفت عليها فيه..كنت هناك لأنى مكانش ينفع أعمل غير كده.. أنا بحب "هند " فعلا,وكان لازم أكون معاها فى اليوم

المميز ده..

أنا اتعرفت على "هند"فى المسرح ..أيام ثانوى ,أنا وبنات تانيين بقوا بعد كده أصحابى ,وفى اليوم ده كنت لوحدى مع

هند"من غير حتى صديقتها الانتيم..صديقة عمرها ..اللى سافرت لجوزها بره..من غير صديقتهم التالتة ,الضلع التالت

فى مثلث الصداقة المتين..من غير "..."صديقتنا اللى كانت بتشاركنى عشقى للثلاثى ده بكل تفاصيله وذكرياته..

...من غير صديقتهم وصدقيتى الانتيم..اللى منعها تعبها من الحضور
عمرى ماكنت أتصور انى لوحدى اللى هاحضر فرح "هند",و"هند" بالذات ,عمرى ماكنت أتصور أنهم مش هيحضروا.

عمرى ماقدرت أتصالح مع الفكرة دى :ان ممكن الانشغال وهموم الدنيا وأحوالها أو تباعد المسافات الزمنية أو المكانية

أو حتى الانسانية ممكن يمنعنى من حضور مناسبة زى دى لحد كنت بقول فى يوم من الأيام "صاحبتى وبحبها",مع حد

...اهتميت بيه وبقى ليه مكانه فى قلبى
طول الفرح كنت واقفة لوحدى أصور "هند"..كنت بحاول أصور ملامحها وانفعالاتها فى يوم زى ده ;فى يوم تتويج قصة

....حب جميلة وشجية أحيانا
كنت حاسة بخصوصية التذكار ..وأنا بصور "هند"فى المناسبة دى ..وبسجل ضحكتها وانفعالاتها كلها ..كنت عايزة آخد تذكار من "هند"فى مناسبة زى دى ;لأنى للأسف مش عارفة هشوفها تانى امتى ,يمكن تسافر .. يمكن تبعد.. يمكن هى

كمان الحياة تاخدها بعيد عننا أكتر وأكتر

...
الناس الطيبين -أهل "هند"-بشر زى السكر,رغم تعاملاتى المباشرة البسيطة معاهم,الا انهم اول ما شافونى ندهولى

بالاسم وتعاملوا معايا بحميمة وود دافى بصراحة ماكنتش فاكرة انهم فاكرينى بالاسم..

شكرا ليكوا ياناس ياطيبين..رسمتوا ضحكة دافية فى قلبى

مبروك يا"هند"..ربنا يسعد كل أوقاتك ..مكانتك كبيرة فى قلبى ..فرحانلك بجد,وبالنسبة لصداقتنا كلنا وعلاقتنا .. سيبلى أنا

الشعور ده ..احساسه بيتجدد فى قلبى كل ماافتكر يوم فرحك..دومى بود...

أوقات أقضيها معك

...أريد أن أهتم بشئونك..أريد أن أستمع اليك وأنت تحكى لى ..أريد أن أحتوى همومك,بشدة

أريد أن أعرف مايدور فى خلدك.. أن أتسع لبوحك عن كل شئ..أريد أن أحتضن ألمك وضعفك..ستعصر دموعك

...قلبى ,ولكن لابد أن أكون هناك لأضمها ..أنا فقط
أحتاج لاحتياجك لى .. أحتاج لاهتمامى بك أنت ..أريد أن أكون بجانبك عندما تضيق بك الدنيا,كعادتها مع الناس جميعهم
..أن أستمع الى شكواك وبوحك .. أن أرى فيك الانسان بكل مافيه ,وأعنيها حقا..
أريد أن اكون معك اذا مافقدت أحدهم ,وغالبت دموعك لتؤثر شموخ الرجال ,ولكنى سأنظر اليك معاتبة ,تلك النظرة
التى ستخبرك أن.."ليس معى .. "أنا هنا" ولأجلك ..لن تحبس دموعك حبيبى عنّى أنا..تعرف جيد أنى لن أسيئ فهمها
.أقلل من شأنك لأجلها..ستخبرك أن تبوح بما تودعه حنايا القلب ويوجعك بين الضلوع ,ستغوص لتخرجه برفق وتفهم

...سترجوك أن تضع عنك ذلك الحمل الثقيل ياحبيبى .. لأنى سآبى الا أن أحمله عنك كاملا
أريد أن أكون معك عندما" يخذلك أحدهم" لأربت على يديك ..لاتعرف بعد ماتحمله نظراتى وأنا أستمع اليك فى شغف
.وحنان وتفهم

...أريد أن أكون معك عندما تخذلك المعانى الكبيرة كما خذلتنا جميعا .. وعندما تضطر لتأجيل الأحلام الجميلة
...أريد أن أكون معك عندما تضيق عليك نفسك ,عندما تحاصرك أسئلتها وأخطائها ,المرارة والذنوب و...و

...أريد أن اكون معك ..أريد ان أسمعك تعاتبنى .. وفى هذه الأحيان ستختلف نظرتك الىّ
لا أريد أن أكون تلك الصاخبة المجادلة العنيدة ,بل أريد أن يسحرنى الحب لأن أكون تلك الأميرة الهادئة المتفهمة جدا
...التى تعرف معنى وقيمة الصمت حينها,وأنه يحمل العديد من المعانى الرائعة ,وكفيل مع نظراتى بالرد عليك لتفهمنى
أن أكون الصديقة التى تستمع اليك بنفس التفهم والتقدير عندما تحكى لها عن شخص آخر
صدقنى..صدقنى أريد فقط أن أسمعك ..أن أكون بجانبك..بشدة ..أن أشاركك هذه الأوقات..وأعرف أنى سأنصهر
فى كل لحظة لا أكون معك فيها فى مثل هذه الأوقات.وسأموت حقا ان كانت هناك أخرى تفعل هذا معك,
ان أجادته وعشقت ذلك فيها ,فسأموت بأبشع الطرق فى كل لحظة أشعر فيها بذلك
وان فشلت فى أداء ذلك كما أرى أنا وأرغب.. فسأجنّ فى كل لحظة أراها فيها عاجزة عن فهمك أو مساعدتك ,راغبة
...بشدة أن أسحقها وأضع نفسى مكانها
..من بين كل حرف من تلك السطور تنطلق جملة واحدة ..

"أريد أن أكون معك حينها جدا ياحبيبى"

أحاسيس .. ولكنها مميزة

وحيدة هى جدا ََ َ رغم ازدحام المكان.. مكتنفة بروحها فى خلوتها تلك..تجلس هادئة تماما ,على شفتيها شبه ابتسامة .. تشعر أن مشاعرها تبث أشعة ذهبية حولها ..بداخلها..تتمايل روحها فى رقة ..تغمرها أحاسيس قوية ..انها أحاسيس الحب والشجن العذب .

ولكن لمن؟

لا تسأل نفسها أبدا هذا السؤال;لأنها تعرف أنها هكذا فحسب.. تعرف أن عاطفتها ليست موجهة لأحد وهذه هى نقطة تميزها التى تحبها..تداعب باحدى يديها الأخرى ,تهفو كعادتها الى الورقة والقلم ..تؤرجح احدى ساقيها المرفوعة فوق الأخرى بهدوء ,تشعر أنها تضحك بعمق من داخلها ..تمسك بعزيزيها "الورقة والقلم"وهى تعرف أنها لن تكتب شيئا على الأرجح ..فقط ستدندن لهما ;ستمرر القلم على الورقة فى خطوط عشوائية تحاول أن تجعل منهم شيئا جماليا حساسا,تكتب مقاطع مستها من أغانِِِِِِِِِِ متنوعة بجانب خطوطها تلك..توشك ان تسمع موسيقى هادئة حالمة تبعث من داخلها أيضا,تشعر بتميزها..برقتها..بعشق يذوب فيها وتذوب فيه. وقتها تعرف من هى ,وتتوه حيرتها وشكوكها بعيدا عنها .. وقتها تبصر بوضوح حقيقة ذاتها وتهدأ نفسها المضطربة ,وتغدو أحزانها أمرا هيّنا,أو أفضل من ذلك ;تغدو خبرات ذات ألم طفيف تسعد بها وفى استغراقها فى تأمل أحاسيسها تلك وسحرها,تتسائل :هل يشعر الناس بحالها تلك حقا؟تتسائل بعمق:هل هناك من يفهم حركة يديها تلك ؟هل هناك من يستطيع حقا ترجمة نظرة عينيها هذه؟؟هل هناك من يشعر بتفرد كيانها؟هل هناك من يسمع تلك الموسيقى الصاخبة أحيانا العميقة التى تنبثق من داخلها؟؟هل هناك من يقدّر كل ذلك ;من يقدّر كل ما يخصها..يستشعره..يفهمه..؟؟وبعيدا عن الناس .. تعرف انه اذا جاء "هو"ونظر اليها ;فان ردة فعله ستختلف كلية عمّن سواه ;لأنه سيعرف ما تعنيه تلك النظرة لهذا الكيان ..سيعرفها من أول نظرة ..سيوقن أنه أمضى معها أزمانا طويلة قبل هذا الحين,ستدمع عيناه حين تدمع عيناها اذ التقيا..وسيكون أول شئ ترد به على نظرته التى تعرفها جيدا.."أين كنت؟..تأخرت كثيرا لو تعلم
...
moony
25-4-2007
2:43 AM

بعمق كيانى أقول ....

سافر بى وارتحل من هنا ..ولا تقلق ,ولا تحزن. ولا تدهش اذا رأيتنى أبكى بشدة وأنت ترتحل بى ..وأنت تقول أنك تحبنى ..وأنت تضمنى..وأنت تعاتبنى ..وأنت تربت على قلبى فى حنان ينساب على يدى الجريحة..

...هى.. هى فقط مشاعر ..صدقنى فقط مشاعر..هى ثمرة السنين الماضية مقرونة بمكبوت حنينى و احساسى...

حبيبى دعنى فى كل لحظة أقول لك "حبيبى "دعنى أستشعرك فى كيانى وأطمئن على وجودك هناك..دعنى أحتضن عينيك وأقول لك دائما أنهما فى اعماقى...

نعم سافر بى وارتحل من هنا ...دعنا نرحل بكل مافينا ..دعنا نرحل عن غربة المكان..عن ملمس الناس البارد المخيف،عن لامبالاتهم..عن صمتى وصمتك..عن جمود الأرواح حولنا ..عن لون الأشاء الرصاصىّ..عن كسرات أحلامنا ..عن رائحة الأيام العادية ..عن فظاعة المشاعر عندما تتلوث بالبشرية المطلقة.

لأجلى,سافر بى وارتحل من هنا..نعم لأجلى أنا,لأجل تلك النظرة التى تعشقها بعينى والتى تترجمنى وتترجم الشئ الجميل بكيانى ووجودى..

ارتحل بى من هنا كى أستطيع أن أتنفس الحياة ..وحتى أستطيع أن أعتنى بك كما أريد ..كى أستطيع أن أكون أنا ,كما أريد...

واذا كان كل ما حولنا تقليدى ,واذا كان كل مالدى لك مميز,فدعنا نرحل من هنا ..هاك يدى ومن قبلها روحى..