سافر بى وارتحل من هنا ..ولا تقلق ,ولا تحزن. ولا تدهش اذا رأيتنى أبكى بشدة وأنت ترتحل بى ..وأنت تقول أنك تحبنى ..وأنت تضمنى..وأنت تعاتبنى ..وأنت تربت على قلبى فى حنان ينساب على يدى الجريحة..
...هى.. هى فقط مشاعر ..صدقنى فقط مشاعر..هى ثمرة السنين الماضية مقرونة بمكبوت حنينى و احساسى...
حبيبى دعنى فى كل لحظة أقول لك "حبيبى "دعنى أستشعرك فى كيانى وأطمئن على وجودك هناك..دعنى أحتضن عينيك وأقول لك دائما أنهما فى اعماقى...
نعم سافر بى وارتحل من هنا ...دعنا نرحل بكل مافينا ..دعنا نرحل عن غربة المكان..عن ملمس الناس البارد المخيف،عن لامبالاتهم..عن صمتى وصمتك..عن جمود الأرواح حولنا ..عن لون الأشاء الرصاصىّ..عن كسرات أحلامنا ..عن رائحة الأيام العادية ..عن فظاعة المشاعر عندما تتلوث بالبشرية المطلقة.
لأجلى,سافر بى وارتحل من هنا..نعم لأجلى أنا,لأجل تلك النظرة التى تعشقها بعينى والتى تترجمنى وتترجم الشئ الجميل بكيانى ووجودى..
ارتحل بى من هنا كى أستطيع أن أتنفس الحياة ..وحتى أستطيع أن أعتنى بك كما أريد ..كى أستطيع أن أكون أنا ,كما أريد...
واذا كان كل ما حولنا تقليدى ,واذا كان كل مالدى لك مميز,فدعنا نرحل من هنا ..هاك يدى ومن قبلها روحى..
12 comments:
مممممممممممم ,, اعتقد انك عبرتى عن الاحيان الرومانسيه اللى بداخلك بوضوح شديد و لن أتعجب ان افصحت عن المزيد مع البوستات القادمه .. لان هذا ما اعلمه يقينا فيكى ... و برغم تحفظى على فكره الرحيل - حتى لو كان مع من نحب - الا ان البوست مُعبر
و الف مبروك على المدونه ... و عاوزة اشوف فيها كل الكتابات بتاعه قبل كده و بعد كده باذن الله
بتمناك كل الخير و التوفييق
السلام عليكم...
متشكرة قوى ياجريت ,انتى عارفة قد ايه رأيك يهمنى .كمان بحب اشوف الأشياء من وجهة نظرك لأنى بحس انك بتشوفيها من منظور اكبر من منظورى واشمل .سعيدة انك افتتحتى التعليقات عندى
انتظرى القادم وسأنتظر تعليقك كذلك
دومى بحب
نسيت اقولك ياجريت ان ساعات لما الدنيا تبقى كده "غريبة كده موحشة وقاسية سواء من الاشخاص او الاشياء او الاحداث "بيبقى الانسان فعلا نفسه يبعد بكل مافيه , بيحس نفسه بكل احلامه والمشاعر اللى جواه غريب عن دنيته فا مابيقدرش غير انه يبعد..لأنه بيكون مصدوم ..قوووووووووى
شكرا لكى
تصفيق حاد
إحساسك عالي بشكل جميل ومنساب
انا حسيت بالبرد وأنا بقرالك البوست ده
حسيت ببرد وغربة وفي نفس الوقت برعشة دفا لما كلامك حسسني بالأمان والانتماء للمحبوب
بجد البوست مرهف اوي
تحياتي
السلام عليكم\
يااااه مى عندنا ..يادى الأنوار
اما عن تعليقك فده كفيل انه يسعدنى اسبوعين ان شاء الله .بجد أديبة موهوبة زيك لما تقولى كده ده يسعدنى ويشجعنى جداااااااااااااااا
وبجد فرحانة اكتر ان البوست لمسك وانى عرفت اخلى حد يعيش احاسيس قوية ومختلفة وعميقة زى دى
آسفة لأى احساس بالبرد او الغربة نقلتهولك ..انا عارفة انها احاسيس سلبية ومرة ,بس معلش دى احاسيس كانت جوايا بعمق ..ودى ضريبة الأدب على الفنانين المرهفين :انه يقرا البوست ويسافر مع الكلمات للأ حاسيس المختلفة ..رغم ان بعضها ممكن يكون صادم او مر او موجع ..واتمنى انك تعيش اجمل الأحاسيس
بجد نورتينى..ورأيك يهمنى دائما
أرى ان التعليقات لاتقتصر على البوست رائع وانتظر رد الزياره ...لكن المهم هو الافصاح عن جوانب أخرى قد تغيب عن الكاتب .لذلك أسألك هل هذا هروب ام ارتحال ..أحيانا يشعر كل منا برغبة فى البعد ويكون ذلك افضل ...راحه سلبيه من حاجات قد تعكر عليه صفو لحظات جميله يعنى الموضوع بيرجع لنوع الارتحال
عارف انى دوشتك ..لكن قليل اما بأقابل اسلوب نسائى بهذه الروعه
e7na:
كنت انتظر حقا تعليق يَعبُر النص ويتحاور معى عنه.. وبالنسبة لسؤالك فهو ارتحال لأن المعنى اللى اقصده ان ساعات الانسان بالمشاعر اللى جواه -خصوصا لما تبقى مرهفة ومميزة-بيحس نفسه غريب عن الواقع اللى هو عايش فيه واللى انا وصفت بعض من صفاته وصفات ناسه فى البوست.ولما بيتصدم بالواقع ويُحبَط بيبقى زى السمك اللى طلعوه من الميه مش قادر يتنفس فى المحيط اللى هو فيه , حاسس انه فى مكان مش بتاعه..يعنى اعتقد ان المعنى ده اوسع من معنى الهروب بكتييير .وعلى فكرة انا كتبت ده فى ردى التانى على "جريت"اتمنى يكون المعنى وصلك وانت مادوشتنيش ولا حاجة بالعكس التعليق اسعدنى جداا
مدونتكم لذيذة فى فكرتها وتنوعها
شرفتنى بالزيارةواتمنى متكونش الأخيرة
جميله قوي فكرة الرحيل
السفر من مكان لمكان
السفر حتى داخل المكان
حتى لو كان المعنى اللى مش قصدتيه : الهروب
برضو جميل
تحياتي لكي
أخيرا سمعنا الكلام :).. مبروك على البلوج يا موون.. أخيرا هاعرف أوصل لك لما تغيبي.. نياهاا..احم..
جميل المكتوب يا بنتي
go on ya fellow blogger ;)
أحمد سلامة:
انا كمان بحب السفر مووووت,وبالنسبة للسفر داخل المكان فانا بسافر فعلا بطريقتى لأنى كتييييييييييير بقى فى وادى واللى حواليا فى وادى تانى خالص
سعيدة بمرورك اتمنى فعلا يكون البوست عجبك..شرفتنى..تحياتى
العزييييزة غادة:
الله يبارك فيكى ياقمر .اه سمعت الكلام بتقولى اخيرا هتعرفى توصليلى لما غيب اما ننشووووووووف المية تكدب الغطاس واهى حجة عشان تبقى تنورينى هنا
شرفتينى ya fellow blogger enty kman
أنا قالوص ، وأنتي ؟..... قوصرة أم عَـلة ؟
Post a Comment